அர்ச்சகர்கள் இல்லாத
தேவாலயத்தில்
வழிபடுவது எப்படியெனத் தெரியாமல்
அமர்ந்து கண்மூடி
இரந்து விழி திறந்தால்
மண்டியிட்ட உன் பாதங்கள்
மடங்கிய விரல்களைத் தாண்டி
பளிங்குத் தரையின் சில்லிப்பு
உள்ளங்கால்களில் ஓடிக்கொண்டிருந்தது
நான் பார்க்கப் பார்க்க
பிரம்மாண்டமாய் வளர்ந்தன
உன் பாதங்கள்
தரைக்கும் கூரைக்குமாய்
வளர்ந்து நின்ற பாதங்களைக்
கண்களால் தொட்டேன்
மனதுக்குள்
ஒற்றிக்கொண்டேன்
No comments:
Post a Comment