Sunday, December 15, 2013

ஒற்றுமைக்கான ஓட்டம்


ஓடலாம் வா என அழைக்கிறாய்


ஓட்டம் என்றதும் 

நினைவுக்கு வருகிறது பதறி ஓடிய சிறுமியின் முகம்

குழந்தையைத் தேடிக்கொண்டு ஓடிய தாயொருத்தியின்  கதறல்

தப்பித்து ஓடிய முதியவரின் தோற்றம்


விரட்டிக்கொண்டு ஓடியவர் 

தீப் பந்தத்தோடு ஓடியவர்

வயிற்று சிசுவை வகிர்ந்தெடுத்து

கொளுத்திய களிப்பில்

கூச்சலிட்டு ஓடியவர்

நினைவுக்கு வருகிறது 


தெருக்களில் ஓடிய

வன்மம்

குருதி


ஊரெங்கும் வெறுப்பை ஓடவிட்ட 

நீ அழைக்கிறாய்

ஒற்றுமைக்கான ஓட்டத்துக்கு


ஓட்டம் என்றதும் நான் நினைத்துக்கொள்கிறேன்

அந்த சிறுமியின் முகத்தை

தாயின் அலறலை

முதியவரின் தோற்றத்தை

வன்மத்தை

ரத்தத்தை....

No comments:

Post a Comment